Ushqimet dhe mineralet që forcojnë imunitetin
Duke qenë se jemi në sezonin e dimrit, prekja nga gribi dhe ftohja është tepër e lehtë.
Imuniteti është çelsi i suksesit, sidomos edhe ne kushtet e Covid 19.
Ushqyerja është tepër e rëndësishme për të pasur një imunitet të fortë.
Sapo fillon sezoni i dimrit,shumica e njerëzve dynden drejt vitaminës C, e cila mendohet se ndikon në prodhimin e leukociteve (rruazave të bardha të gjakut). Trupi i njeriut nuk e prodhon dhe nuk e ruan vitaminën C, kështu që keni nevojë për ta marrë përditë.
Doza ditore e rekomanduar është:
• 75 mg për gratë
• 90 mg për meshkujt
Vitamina C ndihmon në rekuperimin e shpejtë të disa infeksionsioneve por nuk ka ende të dhëna që është efektive ndaj Covid 19.
Nëse mendoni se agrumet kanë sasinë më të lartë të vit C , mendohuni sërisht. Specat e kuq përmbajnë 3 herë më shumë vit C sesa portokalli dhe janë burim shumë i mirë i beta karotenit.
Brokoli është i mbushur me vitamina dhe minerale. Përmban vitamin A, C dhe E, si dhe fibra dhe shumë antioksidantë të tjerë.Brokoli është një nga perimet më të shëndetshme që mund të vendosni në pjatën tuaj.
Hudhra është një tjetër ushqim që nuk duhet t’ju mungojë asnjëherë.Vetitë e hudhrës për rritjen e imunitetit duket se vijnë nga një përqendrim i madh i përbërësve që përmbajnë squfur, si alicina.
është një tjetër përbërës të cilit i drejtohen shumë persona pasi sëmuren.
Xhinxheri mund të ndihmojë në uljen e inflamacionit, dhimbjes së fytit dhe sëmundjeve inflamatore. Xhinxhefili mund të ndihmojë edhe me të përzierat,
gjithashtu mund të zvogëloj dhimbjen kronike madje mund të zotërojë vetitë e uljes së kolesterolit.
Spinaqi i shtohet listës tonë të ushqimeve që rrisin imunitetin jo vetëm sepse është i pasur me vitaminë C, por është gjithashtu i mbushur me antioksidantë të shumtë dhe beta karoten, të cilat mund të rrisin aftësinë e sistemit tonë imunitar për të luftuar infeksionet.
Kosi pervec se ndihmon në forcimin e imunitetit është burim dhe i vit D. Disa teste klinike po tregojnë se ka ndikim pozitiv edhe mbi covid 19
Kur bëhet fjalë për parandalimin dhe luftimin e ftohjes, vitamina E priret të jetë në vend të vitaminës C. Megjithatë, ky antioksidant i fuqishëm është çelësi për një sistem të shëndetshëm imunitar. Vit E gjendet me shumicë tek bajamet.Ushqime të tjera me sasi të lartë të vitaminës E përfshijnë avokado dhe zarzavate me gjethe të errëta . Doza ditore e rekomanduar është 15 mg/ditë
Farat e lulediellit janë plot me lëndë ushqyese, duke përfshirë fosforin , magnezin dhe vitaminat B-6 dhe E.
Çaji jeshil dhe i zi janë të mbushur me flavonoide, një lloj antioksidanti. Aty ku çaji jeshil shquhet me të vërtetë është në nivelet e tij të epigallocatechin gallate (EGCG), një tjetër antioksidant i fuqishëm.
Në disa studime , EGCG ka treguar se përmirëson funksionin imunitar.
Kur jeni i sëmurë shpesh kërkon supë pule, dhe kjo nuk ka të bëj vetëm me efektin placebo që të bën të ndihesh më mirë. Supa mund të ndihmojë në uljen e inflamacionit, gjë që mund të përmirësojë simptomat e një ftohjeje.
Mishi i pulës dhe gjelit të detit, janë të pasur me vitaminë B-6 .Vitamina B-6 është një lojtar i rëndësishëm në shumë prej reaksioneve kimike që ndodhin në trup. Është gjithashtu jetike për formimin e eritrociteve të reja dhe të shëndetshme.Lëngu i mishit i bërë nga zierja e kockave të pulës përmban kondroitinë dhe lëndë ushqyese të tjera të dobishme për shërimin e zorrëve dhe rritjen e imunitetit.
• Zinkut nuk i kushtohet aq shumë vëmendje sa shumë vitaminave dhe mineraleve të tjera, por trupi ynë ka nevojë për të në mënyrë që qelizat tona imune të mund të funksionojnë siç synohet.Gaforret,karavidhe,midhjet janë burim shumë i mirë i zinkut.
Doza ditore e rekomanduar është:
• 11 mg për burra të rritur
• 8 mg për shumicën e grave të rritura
Sasia e lartë e zinkut mund të pengoj funksionimin e sistemit imunitar.
Punoi : Greta Mërtiri
Burimi :ℹHealthline